کچھ مدير بورڈ کے بارے میں

اپنے گاؤں کے اہل علم سے تعلیم حاصل کرنے کے بعد موصوف کو اپنے والد اور دیگر برادران کے شوق کو مد نظر رکھتے ہوئے وادی کشمیر کے معروف علمی دانشگاہ الکلیۃ السلفیۃ مومن آباد بٹہ مالو سرینگر میں شرعی علوم حاصل کرنے کی غرض سے داخل کیا گیا اور سنہ 1991 سے سنہ 1998 کے عرصے میں موصوف نے الکلیۃ السلفیۃ کا آٹھ سالہ کورس مکمل کرکے شہادۃ العالیۃ الشرعیۃجید جدًا (Very Good ) گریڈ کے ساتھ حاصل کی۔اسی عرصے میں موصوف نے عصری علوم میں دسویں اور گیارویں جماعت پاس کی۔ الکلیۃ السلفیۃسے فارغ ہونے کے بعدموصوف نے یوپی کے عظیم علمی مرکز ندوۃ العلماء لکھنو میں عربی ادب کے کورس میں داخلہ لیا ۔ اسی دوران سر زمین سعودی عرب سے ریاض کی عالمی شہرت یافتہ کنگ سعود یونیورسٹی سے آپ کے لئے قبولیت نامہ وارد ہوا (ذلک فضل اللہ یؤتیہ من یشاء) اور یوں آپ نے سنہ 1999 سے سعودی عرب میں عظیم علمی سفر کا آغاز کیا اور سنہ 2001 میں اسی یونیورسٹی سے شہادۃ الکفایۃ في اللغۃ العربیۃ ممتاز(A+ )گریڈ سے حاصل کی۔ اورسنہ 2001 سے سنہ 2006 تک موصوف نے مذکورہ یونیورسٹی سے شہادۃ بکالوریوس(B.A, B.Ed. )ممتاز ( A ) گریڈ، مع الشرف الثاني (SECOND CLASS HONOUR ) کے ساتھ حاصل کی۔ اور شرعی علوم کے میدان میں فقہ اور اصول فقہ میں تخصص حاصل کیا۔ کنگ سعود یونیورسٹی میں تعلیمی سفر کے دوران موصوف نے وہاں پر تعلیمی و تربیتی کیمپوں میں بھی شرکت کی جن کا مختصر ذکر یوں ہے:

• 1. مارچ 2000 میں Saudi Heart Association کی طرف سے منعقدہ کورس۔
• 2. 2003 میں کنگ سعود یونیورسٹی کی طرف سے قیادۃ الدراسۃ الأولیۃ لقادۃ الوحدات کے بارے میں منعقدہ کورس۔
• 3. 2004 میں کنگ سعود یونیورسٹی کی طرف سے قیادۃ الدراسۃ التأسیسیۃ لقادۃ الوحداتکے بارے میں منعقدہ کورس۔
• 4. 2005 میں ندوۃ العالمیۃ للشباب المسلمین(WAMY)کی طرف سے دعوتی منییجمٹ کے بارے میں منعقدہ کورس۔
• 5. 2006 میں الرشید للإعلام بالریاض کی طرف سے دعوتی ڈیلوپمنٹ کے بارے میں منعقدہ کورس۔
• 6. 2006 میں الرشید للإعلام بالریاض کی طرف سے کامیاب مدیر کی مہارات کے بارے میں منعقدہ کورس۔
• 7. 2006 میں ندوۃ العالمیۃ للشباب المسلمین (WAMY)کی طرف سے آرٹ آف سپیچ کے بارے میں منعقدہ کورس۔
• 8. اس کے علاوہ بڑے علماء کرام اور ماہرین تعلیم کے بہت سارے علمی دروس کی مجالس میں حاضر ہوکر استفادہ کیا .

اس عظیم تعلیمی سفر سے واپسی کے بعد مصنف نے وادی کشمیر میں اپنی نوعیت کا منفرد علمی درخت لگایا اور اسے عرق ریزی اور اعلی درجہ کی محنت و کوشش سے سینچنے کا کام شروع کیا اور یوں مختلف قسم کے تعلیمی پروگراموں کی شروعات کی، کئی کانفرنسوں میں شرکت کی، کئی دعوتی پروگراموں میں لوگوں کو مستفید و مستفیض کیا، جمعہ کے موقعوں اور دیگر مواقع پر لوگوں کو راہ راست کی طرف گامزن کرنے کی انتھک کوششیں کرتے آرہے ہیں۔ اور وادی کے تعلیم یافتہ اور باصلاحیت افراد بالخصوص زیر تعلیم طالب علموں کے لئے ایک منفرد اور یکتائے زمانہ تعلیمی پروگرام 2006 میں شروع کیا جس کے لئے اتوار و جمعہ کے ایام مقرر کئے اور بٹہ مالو ، چاڈورہ، اور نیوہ پلوامہ میں ہیئۃ الطلاب المسلمین کے نام سے تدریسی مراکز قائم کئے اور بالآخر 2009 سے خواجہ پورہ نوگام میں ایم ایس بی کا مرکزی دفتر اور تدریسی مقام قائم کیا۔ اور الحمدللہ آج تک یہ دینی إدارۃ روز بروز ترقی کی راہ پر گامزن ہے اور سینکڑوں نوجوانان کشمیر شرعی علوم اور عربی زبان کے کورسوں سے مستفید ہو رہے ہیں۔ اسی دوران مصنف نے قلمی خدمات کا سلسلہ بھی جاری رکھا اور مختلف شرعی علوم پر79 علمی مذکرات اور کتابیں تالیف کیں جن کا مختصر ذکر یوں ہے:

اور ان میں بیشتر علمی مذکرات اور کتابیں ایم ایس بی میں طالب علموں کو درسًا پڑھائی بھی جا رہی ہیں ۔

محترم نے نونہال بچوں کی تعلیم و تربیت کا بھی خاصا اہتمام کیا ہے اور اس ضمن میں ایم ایس بی کے تابع Quranic Studies Chain نامی تعلیمی پروگرام شروع کیا جس کے لیے موصوف نے جدید دور کے جدید تقاضے ، منہج صحابہ اور بچوں کی نفسیات کو مد نظر رکھ کر شامل وکامل ایک سیلبس مرتب کیا، اور اس سیلبس کے مطابق کتابوں کا بہترین ایک سلسلہ (Series) تیار کرنے میں مصروف ہیں جن میں اب تک ۱۸ کتابیں تیار ہوچکی ہیں جو جلدہی منظر عام پر آنے والی ہیں إن شاء اللہ .

مصنف آج تک اس میدان میں سر گرم ہیں روز بروز بحیثیت ایک تعلیمی ماہر کے اپنی تعلیمی، تدریسی اور دعوتی خدمات اپنی زبان اور قلم سے انجام دے رہے ہیں۔ اللہ تعالی انہیں جزاء خیر دے اور ان کے علم میں برکت عطا فرمائے، آمین !